Zukurin

This is a rap composition of my nephew Joey for his mommy Joyce..

Aking mama sana kahit sa munti kong kanta

buong pagmamahal ko sana ay iyong madama

buong talento at ang oras ay ibubuhos ko

para sayo aking ina ito ay alay sa iyo.

 

Pag aalaga, kalinga magmula nung sanggol

sa pagkalma, pag ugoy sa tuwing humahagulgol

sa pag panatag mo kapag ako’y puno ng takot

at sa iyong yapos sa tuwing ako’y binabangungot.

 

Maikli man ang panahon na tayo’y nagkasama

at iniwanan mo noong ako’y tatlong taon pa

di kailanman ako sayo nag tanim ng poot

sya nga pala salamat sa mga damit kong suot.

 

Sa pag alala, kahit pa nga ito’y madalang

kahit na anim na taong kulang aking magulang

Ma, kailanman di nagawa na ika’y kalimutan

heto ang bilin ko sayo sarili’y pag ingatan.

 

Chorus:

You could give me wings to fly, and catch me if i fall

pull the stars down from the sky, so i could wish on them all

oh i could’nt ask for more, coz your love is the greatest gift of all

Marami man kayong naging alitang dalawa ni papa

at hindi rin nagtagal ang inyong pagsasama

ay pasalamat rin akong lumaki ng maayos

kahit na sa isang buong pamilya ay kinakapos.

 

At ako’y lumaki man na magkahiwalay

kinailangan kong bumagon sa sarili kong kamay

araw araw ang panaginip ko sa aking pag himlay

tayong dalawa ay magkasama’t hawak ang iyong kamay.

 

Libo-libong milya man ang agwat sa isa’t isa

di lumipas ang mga araw ng ika’y di naalala

araw-araw naka antabay sa tapat ng telepono

umaasang sana’y marinig man lang ang tinig mo.

 

Ilang taong wala ka sa aking kaarawan

at may ilang taon na rin na dahil dito ay nasasaktan

nag marcha nung elementarya na ika’y di kasama

hindi pa rin mawawala pag mamahal sa aking ina.

 

Chorus:

You could give me wings to fly, and catch me if i fall

pull the stars down from the sky, so i could wish on them all

oh i could’nt ask for more, coz your love is the greatest gift of all

Bihira mang magkausap sadyang pipilitin ko

maparating ko lang sayo ang mumunting mensahe ko

sa hindi mahalaga mga bagay na materyal

sapat na sa akin makasama kahit di matagal.

 

At makapiling, panatag at ako’y kuntento na

mabalitaan na maayos ka at laging masaya

sa mga oras na ika’y napupuno ng pangamba

ay maari mo akong lapitan o aking ina.

 

Hindi ako humuhiling ng ano man mula sa yo

hiling ko lang kahit na minsan lang ay matawagan mo

upang malamn ko naman kung ayos ang iyong lagay

sa iyong pagbabalik asahan mo ako’y maghihintay.

 

Kahit gaano katagal para lang makapiling ka

kahit isang sulyap lang sa skin ay ako’y kontento na

walang makakapantay pa sadyang minamahal

inaalay ko sayo ang awit ko aking ina.